Ugagnskråka  Larris i Vangsgutane har i år fått sitt eige julehefte. Larris tok etter kvart så stor plass at han laut sleppast fri, for å  få luft under vengene.

I forordet skriv Lars Lundheim at då han vaks opp var dei «tøffe» gutane i seriar på bokmål, medan dei keisame var på nynorsk. Men det var eitt unntak. Det var Larris i Vangsgutane.

Denne urokråka Larris har no fått eit eige julehefte, skrive og teikna av Knut-Anders Løken. I juleheftet i år vert Larris påkøyrd av Hallstein Breiset og lagt i sjukeseng på Breiset. To bankranarar og grisetjuvar uroar også førjulsstemninga. Fire eldre forteljingar er tekne med i heftet og knyter band tilbake til opphavet.