Ei kvinne finn ein baby forlaten i ein park og lar sonen få ansvaret for henne.
Ei bestemor vil saman med barnebarna krysse ei landegrense, der dei risikerer å bli skilde frå kvarandre.
Ein skog blir invadert, ein stammefamilie splitta, og ei jente søker tilflukt hos ein annan stamme, der ho blir møtt med både omsorg og sjalusi.

Bakteppet for desse forteljingane er klimakrise, politiske konfliktar, sosiale og økonomiske ulikskapar. Menneska i denne boka er på vandring, mange under harde kår. Nokre er komne fram, andre kjem ikkje vidare. Gjennom brutalitet og svik, men òg med omsorg og strimer av håp, blir vi vitne til korleis livet fortonar seg for millionar av menneske verda over.

Marit O Kaldhol (f. 1955) debuterte i 1983 med diktsamlinga Lattermilde laken og har skrive bøker i dei fleste sjangrar for både vaksne, barn og unge. Ho har mottatt fleire prisar.